Festforestilling «Aslaug Høydal 100 år»

Mykje folk og god stemning

Festforestillinga i Utgard i Skjåk trakk «fullt tun». Med  vêrgudane og programleiaren Endre Skjåk på vår side, fekk vi ei forestilling vi seint vil gløyme. Endre Skjåk krydra forestillinga med små historier av Aslaug Høydal. Vertinna, Mari Brenna, ynskte velkomen. Sidan gjekk det slag i slag med god prat, dikt, song og musikk.

Gratulerer Sol i Skuggeskog – dette var fint!

Gruppa «Sol i Skuggeskog» urframførte fleire dikt av Aslaug Høydal som dei har tonesett på oppdrag frå jubileumsnemnda. Vokalist Ingrid Lian-Bjørgum har ei nydeleg songstemme, og saman med Øyvind Sandum og Einar Lian-Bjørgum framførte dei nydelege melodiar. Det blir spennande å sjå om desse blir med på den nye plata deira.

 

Flinke folk

Systrene Idun og Lina Byre las kvart sitt barnedikt som dei hadde lært utanåt. Vebjørn Lilleengen Brukveen på sju år las dikt, medan systera Anna var blomen i diktet. Flinke Synne Stensgård var med på ein av songane til «Sol i Skuggeskog». Skjåk Songlag song vakkert for oss. Finn Sandum las dikt, flinkare «diktlesar» må du leite lengje etter. Han skriv også eigne dikt, han skal gje ut diktbok nummer to seinare i haust.

Gratulerer «Hæ» – dette var tøft!

Det var knytt stor spenning til avslutningsnummeret, da entra nemleg gruppa «Hæ» scena. Og no vart det skikkeleg rock!

Magnus Lilleengen har laga eit musikalsk bestillingsverk som er inspirert av diktinga til Aslaug Høydal. Dette var skikkeleg tøft. Det var nesten så dei mana fram både tussar og troll med musikken sin. (Aslaug Høydal likte godt tussar og troll.)

img_8721
Gruppa «Hæ». Frå venstre: Tore Jacobsen, Simen Jeistad, Magus Lilleengen og Pål Svindland. Foto Sigrun Eide

 

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s